"Tol mundu presume de llingua y nós tenemos la de nueso", diz Carcedo

L'Alta Comisionada del Gobiernu estatal de Llucha contra la Probeza Infantil apuesta por "cuidar" l'idioma pa "salvalu del so desaniciu".

En declaraciones recoyíes pola axencia Servimedia, María Luisa Carcedo defendió l'asturianu apuntando que "tol mundu presume de llingua y nós tenemos la de nueso", refugando darréu cualquier idea d'imposición. "Nun queremos imponela al que nun quiera ser falante nin obligar a naide", destacó la tamién miembru de la Executiva federal del PSOE.

D'esta forma afítase na posición de la FSA de puxar por una 'oficialidá amable'. "Nun ta nes nueses intenciones destinar cuantíes enormes de recursos a iniciatives costoses y que nun tenga un retornu de beneficiu a la sociedá, pero sí cuidar de la nuesa llingua y de salvar al asturianu de la tendencia a la desapaición", añadió Carcedo.