Titulación de gaiteru

La selmana pasada saltaba a la prensa la noticia de la
inclusión del enseñu de gaita nos conservatorios. Esta noticia
foi acoyida polos gaiteros con muncha precaución, cola rocea
típica ante les iniciatives del Principáu pa cola cultura
asturiana. Entá ta por esclariar en que condiciones va ser esa
inclusión, que conteníos van tener los planes d'estudiu, que
requisitos hai que cumplir pa poder dar clase..etc.

El mundu de la gaita tovía tien na memoria la non mui bona
esperiencia de mediaos de los noventa , cuando se ficieron cursos pa la
obtención del "títulu" de maestru gaiteru, lo que llevo
a enfrentamientos ente distintos sectores por supuestes esclusiones d'algunos
gaiteros.

Tamién, como apunten algunos gaiteros, nun hai qu'escaecer la existencia de les escueles de música tradicional, que dende algunos
puntos de vista son les que tienen qu'asumir l'enseñu de la música
tradicional. Estes escueles entá s'alcuentren nuna situación d'allegalidá, esperando pol so reconocimientu. Podéis siguir una discusión al rodiu esti tema nel
foru
música.