Tiempu de castañes

Asturies parez que desprecia lo que-y da la tierra, incluso coses que-y valieron pa salir alantre n'otra dómina. La castaña, frutu de la seronda que foi base de la dieta d'esti país, nun pasa agora per ún de los sos meyores momentos, y parez que naide nun se preocupa nin poles castañales nin por dir a pañar el frutu, qu'acaba bien de vegaes podreciendo en suelu. Mientres, a la otra parte del cordal, nel Bierzo, la castaña ye un de los motores de la supervivencia de bien de pueblos, que tolos años saquen unos ingresos bien curiosos de les cerca d'ocho mil tonelaes de castañes que ponen en mercáu.Evidentemente, tres d'esti esporpolle de la castaña berciana hai años de trabayu pa meyorar los árboles con abonos y otros cuidaos, normes pa caltener una calidá nel productu acabáu y empaquetáu y recuperación de castañales vieyes. Sicasí,la distribución fainla mayormente empresarios gallegos, y ye que anque la castaña berciana ta pa conseguir Denominación d'Orixe (que multiplicaría'l preciu en mercáu), los pueblos onde se da enfrenten un grave despoblamientu, cara y cruz d'un negociu, el castañeru, que n'Asturies nun esiste pero que bien podría dase.P'atayar esti abandonu d'un frutu emblemáticu del país, el Serviciu de Desarrollu Agrícola d'Asturies celebró esti fin de selmana, coincidiendo col Festival de la castaña nes Arriondes, onde se vendieron 4 tonelaes de castañes una xornada técnica pa esplicar los adelantos que tan faciendo nel centru d'esperimentación que tien sobre esti árbol en Parres. onde tienen exemplares que resisten enfermedaes como la tinta. Sicasi, d'ehí a que les castañales asturianes s'aprovechen entovía queda munchu camín.

Contador Estadistiques