Tex Mex nos valles del Trubia

L'albergue El Sabil vuelve a entamar una nueche especial nel conceyu de Santu Adrianu. Esta vegada al grupu asturianu de Tex Mex Huracanes de Montiana a actuar esti sábadu día 26 pela nueche.

Esti grupu ye una especiencia musical que lleva yá unos cuantos años animando lo que se-y ponga por delantre. Los sones mejicanos del Tex Mex xuntaron a una serie de músicos, dalgún d'ellos conocíu por otres aventures musicales, como Xuan Nel Exposito Carlos Redondo de Felpeyu, que nos huracanes son curdioneru y voz-guitarra repectivamente. Amás tamién topamos a Juanjo Mintegui que fuera tamién componente de La banda del tren, o Marcos, baxista de los Ciquitrinos.

L'actuación de la nueche d'esti sábadu en El Sabil va venir acompañada d'una fiesta mejicana nel local pa que la cosa garre ambiente. Pa más información sobre esta fiesta-conciertu convidámosvos a que visitéis la web de El Sabil.