Tever fusiona'l saltón y el reggaeton na so segunda propuesta audiovisual

|
Saltonggaeton

El gaiteru presenta la pieza 'Saltonggaeton'.

Tres asoleyar 'Fayendo', el primer cenciellu del EP ‘Fechu’n PLA’, compuestu por seis histories visuales que va dar a conocer mes a mes, Tever preséntanos esti payares la so segunda propuesta. "La idea surde cuando me faigo la pregunta, ¿cómo sonaría un reggaeton cola gaita?", esplica.

"Empiezo a visualizar el conceptu de mezclalo con un baille asturianu y crear el 'Saltonggaeton'", añade'l músicu. Asina, nesta pieza trata de "crear la fusión musical de los dos bailles" xuniéndolo con un videoclip, nel que dancen Paula Blanco y Marina Blanco, "onde vamos a atopar el traxe asturianu axuntáu con ropa moderna".

"El resultáu ye un tema a trés voces de gaita xunto a los soníos y ritmos lletrónicos carauterísticos del reggaeton", fina Pablo Manuel Díaz García, nome real de Tever.

Contador Estadistiques