Testimonios contra Bregón

En collaboración col selmanariu Les Noticies reproducimos esti artículu en que se recueyen los testimonios de les persones qu'aseguren que Julio Bregón, enxertáu va poco nel Gabinete autonómicu cola nueva Dirección d'Interior, formaba parte de los grupos de torturadores de la Brigada Político-Social que Claudio Ramos dirixía en tiempu de Franco. L'apaición pública d'estos testimonios vien a contradecir la posición caltenía dende'l Principáu y dende'l Sindicatu Unificáu de Policía, que siempres defendieron el calter democráticu de Bregón. Les persones que denuncien a Bregón, ente les que tan l'ex-miembru de la LCR Juan Neira o el periodista Vicente Bernaldo de Quirós, acusen a Bregón de fechos tan graves como participar en palices o poné-y la pistola na cabeza a ún de los deteníos.