Tenerife 1 - Uviéu 1

L'equipu uvieín sacó petroliu de la so visita a les isles, de les que vuelven con un puntu algamáu nun de los campos que se supón van ser más difíciles esti añu, como ye'l del Tenerife. Nel primer tiempu, una conexón ente'l veteranu Engonga y Oli valió pa que'l caberu marcare un gol de los que valen el contratu, pero na segunda parte, el Tenerife salió a la contra y Barata marcó'l definitivu empate a ún. L'Uviéu acabó con problemes, y la espulsión d'Idiakez acabó por afogar a un equipu que, de cualquier manera, nun pue tar malcontentu col resultáu del viaxe.