Yá ye posible usar Telegram per web n'asturianu

Una iniciativa de Marcos Costales, desarrollador del buscador de web asturianes Atopa, permite l'usu de Telegram per web en llingua asturiana. Esta aplicación de mensaxería nel intre yá se podía utilizar n'asturianu gracies al trabayu de Softastur, llabor qu'agora amplía Costales de manera individual.

Los requisitios pa usar Telelegram n'asturianu ye contar con un restolador modernu, como Firefox o Chrome, y tener previamente descargada l'aplicación nel nuesu dispositivu móvil. Pa usala simplemente hai que visitar la web de Telegram n'asturianu y, tres introducir el teléfonu, introducir un códigu na aplicación del móvil que recibiremos de baldre. Una vegada dau esti pasu, podremos ver toles charres que teníemos nel móvil. Hai que destacar que'l teléfonu o tableta y el navegador web van tar sincronizaos. Inclusive, podemos usar esta ferramienta en dellos ordenadores.