Telecable multiplícase

La empresa asturiana de telecomunicaciones Telecable anunció que hacia primeros del añu qu'entra van echar a andar les meyores que ta preparando na rede de cable cola que Telecable yá da accesu a la internet a más de 70.000 usuarios n'Asturies. Col sofitu tecnolóxicu de les compañíes Nortel Networks y Motorola, Telecable quier sacá-y más rendimientu a la freba óptico, emplegando nueves soluciones que dexen circular más señales per una mesma freba. Nortel Networks yá tien probaes estes tecnoloxíes n'otros llugares, creando redes que xuben la velocidá hasta los 10 gb per segundu. Otramiente, tamién van enxertar servicios de voz sobre IP que van dar conexón telefónica al usuariu d'internet.