Tante Blanco y Maxi Areñes asoleyen ‘¿Quién yes tu?’, el primer tema del so proyeutu musical conxuntu

Los músicos Tante Blanco y Maxi Areñes entamen un proyeutu conxuntu que va venir acompañáu d’un discu que va llevar el nome de ‘Desmitoloxía’. El primer cantar que dan a conocer ye ‘¿Quién yes tu?’, basáu nel ‘Nun ye tu’ compuestu por Tante pa Los Berrones que cumple agora 30 años, que trata sobre la enfermedá del Alzheimer.

Foi esti branu cuanto estos dos músicos de trayeutoria reconocida decidieron xuntase p’aniciar una aventura nueva. D’ella van salir una riestra de temes qu’alléguense al folk y al rock progresivu, que van treslladar a un discu, de nome ‘Desmitoloxía, que va ver la lluz próximamente.

El primer adelantu del álbum ye ‘¿Quién yes tu?’, un cantar cargáu d’emotividá, con lletra d’Areñes, que fala del Alzheimer dende la visión d’un enfermu que sufre esta enfermedá terrible. Nun se trata d’una versión del ‘Nun yes tu’ de Los Berrones, anque sí una especie d’homenaxe a esti tema que cumple agora 30 años.

Na semeya, Blanco y Areñes entrevistaos por Enrique Carballeira pal so programa en 'Onda Cero'.