Tanques alredor de la Basílica de la Natividá

Los tanques del exércitu d'Israel tienen arrodiáu un de los monumentos fundacionales de la relixón cristiana, la Basílica de la Natividá de Cristo, dempués de un grupu de milicianos y civiles corrieren a guardase dientro de la basílica y reclamaren que se-yos diere el derechu de refuxu que siempres tuvo la ilesia. L'exércitu israelín amanaza con tomar al asaltu la basílica pa sacar a los refuxaos palestinos, colo que la situación ta convirtiéndose nun de los episodios más simbólicos de la guerra abierta qu'Israel tien entamada contra Palestina dende va dellos díes.La basílica de la Natividá de Belén, que conmemora'l supuestu llugar de nacimientu de Cristo, ye un monumentu que remonta'l so orixe hasta l'añu 325, cuando l'emperador Constantino entamó una campaña de monumentalización de los santos llugares. Dende esta páxina caltenía polos monxos franciscanos qu'ocupen agora la basílica pue conocese la historia d'esti monumentu.Mientres la operación militar de les IDF yá tien entrao en Naplusa, cabera ciudá palestina importante que-yos quedaba por tomar, la guerra tien agora otru frente abiertu na llende ente Líbano y Israel, onde Hezbollah ta atacando posiciones del exércitu d'Israel. Otramiente, la situación qu'enfrenta a Israel y Palestina ta treslladándose a otros llugares del mundu, y, por poner un casu, en Francia hebo ayeri ataques contra llugares de cultu xudíos.En medio de los ataques, l'exércitu d'Israel, -que se llama paradóxicamente "Fuerza de Defensa d'Israel- anuncia nel so so web el desarrollu de la operración "escudu de defensa" contra'l "terror palestín"