SwiftKey proporciona un tecláu predictivu n'asturianu

Los dispositivos móviles y tabletes Android yá disponen d'un tecláu predictivu n'asturianu gracies a SwiftKey. Esta empresa inglesa incorporó recién el nuesu idioma al catálogu ampliu de más de cien llingües nos qu'ufre de baldre esti serviciu.

SwiftKey facilita la escritura de mensaxes n'aplicaciones como Facebook o WhatsApp gracies a la so facultá predictiva tres deprender de los testos que va utilizando l'usuariu. Dende la selmana pasada, al catalán, gallegu o castellanu tamién suma la descarga en Google Play d'esta ferramienta nel nuesu idioma programada por Julien Baley na so versión asturiana.

"Somos una compañía basada nel llinguaxe y como tal tamos interesaos na promoción de toles llingües, inclusive les minoritaries, como l'asturianu. Sabemos que'l llinguaxe ta coneutáu fondamente cola preservación cultural y queremos ayudar al caltenimientu de la diversidá llingüística y les diferentes cultures",  apuntó a Asturies.com Olivia Lasky, de SwiftKey.