Susana Sela y Natalia González allarguen el #FormientuEnCasaFest

El festival sumóse al apagón cultural del vienres y sábadu, polo que programa les actividaes que tenía previstes pa estos díes.

El #FormientuEnCasaFest va siguir nes dos selmanes próximes y les dos primeres actividaes d'esti segundu allargue por cuenta de la prórroga del estáu d'alarma pola pandemia de COVID-19 van ser les dos aplazaes mientres la Selmana Santa. Formientu, organizadora del eventu, decidió siguir el paru convocáu en redes "pola falta de sofitu institucional al sector cultural nestes circunstancies difíciles pa una industria, que yá davezu nun tien el sofitu que merez", apuntaron dende la revista moza de lliteratura tres la pasividá amosada pol ministru de Cultura, José Manuel Rodríguez Uribes.

El recital poéticu 'Inversu baxo l’agua' de Susana Sala, programada pal vienres, va celebrase finalmente esta tarde a les 19 hores. Mañana, a la mesma hora, Natalia González Menéndez va poner la charra 'Edición asturiana: recomendaciones d’una llibrera', prevista de primeres pal sábadu.