Supérense los 300 casos de COVID-19 el miércoles

La cifra d'hospitalizaos aumenta a 119.

Nun aparen d'aumentar los contaxos nesta quinta fola de la pandemia de COVID-19. N'Asturies superóse ayeri la barrera de los 300 contaxos, rexistrando un total de 312, cantidá más alta dende'l 29 de xunetu, cuando se comunicaron 347.

No que respeuta a les hospitalizaciones, hai 4 más, pasando de 115 a 119, 2 en planta (101) y 2 na UCI (18). La Conseyería de Salú punxo como llende los 150 pacientes o los 25 en cuidaos intensivos pa la vuelta a les restricciones, previsiblemente tocando horarios y aforos.

Como nota positiva, na xornada nun hai que llamentar muerte nenguna cola enfermedá causada pol coronavirus SARS-CoV-2.

Na semeya, una muyer recibe ayeri la dosis de refuerzu nel centru comercial Valle del Nalón, onde tán poniéndose vacunes a persones de 60 a 69 pa caltener la inmunidá.