¿Sufristi casos de represión llingüística na escuela mientres el franquismu?

Una tesis doctoral estudia'l tratu que se-y daba al asturianu nesta dómina.

Inaciu Galán sigue avanzando na so investigación 'La situación del asturianu nel Franquismu'. El doctorandu ta agora recoyendo casos de discriminación y represión llingüística na escuela, asocedíos ente'l 1937 y el 1975, pa lo que espublizó una encuesta na rede cola fin de conocer casos de persones escolarizaes n'Asturies nesti tiempu.

Ésti ye breve y tamién busca conocer el tratu que'l maestru daba en clase del idioma como realidá llingüística y como llingua materna mayoritaria ente l'alumnáu. Nel casu d'entrar nel perfil solicitáu y querer collaborar cola investigación pue acceder al cuestionariu calcando equí.

Na imaxe, clase de la dómina franquista nel Museo Etnográfico de Grandas de Salime, institución propietaria de la semeya baxo llicencia CC BY-SA 2.0.