Subvenciones verdes

Cualquier empresa, institución, particular o comunidá de vecinos que quiera trabayar o vivir nun entornu que respete'l mediu ambiente tienlo agora un poco más fácil gracies a la convocatoria de subvenciones pa programes d'aforru enerxéticu y usu d'enerxíes renovables nel añu 2003 que fizo'l Principáu al través de la conseyería de Comerciu. La puesta en marcha d'instalaciones que permitan baxar el gastu de corriente y menguar l'mpactu ambiental en términos de C02 y otros gases por parte de les empreses, proyectos pa menguar les emisiones en flotes de tresportes o proyectos de calefacciones más llimpies pa comunidaes y particulares son dellos de los oxetivos qu'espeya la convocatoria, que tien abiertu'l plazu de presentación de solicitúes hasta'l 1 de marzu. La convocatoria pue consultase entera en BOPA del 18 de xineru