SUATEA perita nun 35% el siguimientu de la fuelga d'interinos

La fuelga del profesoráu interín tuvo menos seguimientu n'Asturies que n'otres comunidaes autónomes

Un 35% del profesoráu interín secundó ayeri la fuelga que tenía convocada'l sindicatu d'enseñanza SUATEA al traviés de la confederación estatal STES en demanda d'un accesu propiu estremáu a la función docente, dalgo que'l sindicatu ve imprescindible que s'enxerte na Llei Orgánica de la Educación.

La cifra del siguimientu de la fuelga n'Asturies contrasta cola media estatal de siguimientu de la convocatoria, que llegó al 70%. La reforma de la Llei orgánica de la educación (LOE) que va llegar al Congresu'l mes d'avientu, taba tres de la fuelga convocada ayeri pola federación STES, na que s'enxerta'l sindicatu asturianu d'enseñanza SUATEA, enxertu na federación STES, pue suponer un momentu históricu pa redefinir l'accesu al cuerpu docente y, de manera más concreta, la situación del profesoráu interín, un colectivu que n'Asturies representa cerca de la cuarta parte de la plantiya docente del país. La demanda de SUATEA y STES pasa por que s'arbitre un sistema d'accesu diferenciáu a la función pública per parte d'interinos y eventuales per un llau y de nuevos aspirantes ensin esperiencia previo per otru. Pa SUATEA esta ye la única manera de garantizar un accesu diferenciáu y escalonáu al cuerpu docente, torgando la inxusticia de qu'unos y otros se disputen el puestu nuna desigualdá evidente de posibilidaes.