SUATEA - inconstitucional

La confederación estatal de sindicatos d'enseñanza STEs, na que s'enxerta l'asturianu SUATEA anunció que va presentar un recursu d'inconstitucionalidá contra la polémica Llei de calidá de la enseñanza que s'aprebó la otra selmana nel Congresu de los Diputaos. El sindicatu, terceru n'implantación nel sistema educativu asturianu, diz que la LOCE nun se negoció colos sindicatos, colo que'l ministeriu violó l'artículu 28.1 de la Constitucción, que recueye'l derechu a la llibertá sindical no tocante al personal al serviciu de l'alministración pública. Pal sindicatu, la LOCE inclúi nel so articuláu disposiciones qu'afecten directamente al profesoráu y a les sos condiciones de trabayu, polo que tamién s'incumplióla llei 9/87 que manada qu'estes cuestiones tienen de negociase colos colectivos interesaos.