SUATEA apurre datos del siguimientu de la fuelga d'enseñanza contra la LOE

La principal organización sindical del sector convocante de la fuelga d'enseñanza en protesta contra l'aprobación de la Llei Orgánica d'enseñanza apurrió datos a última hora de la mañana sobre'l siguimientu del paru na enseñanza asturiana en protesta pola LOE.

Acordies cola primer estimación que fexo SUATEA, la fuelga que taba convocada pa güei miércoles 14 d'avientu nos institutos y escueles asturianes tuvo un siguimientu del 80% nos centros de secundaria y del 40% nes escueles de primaria. La organización sindical nun entra a valorar nesta primer estimación si estos datos-y abulten bonos o malos, pero da anuncia de'l so optimismu enfotándose en que la manifestación convocada pa les 6 d'esta tarde na Estación de la RENFE d'Uviéu en defensa de la escuela pública y que cuenta col sofitu de bien d'organizaciones sociales, polítiques y sindicales "sía tan amplia como merez l'agresión que sufre la Escuela Pública col testu actual de la Llei d'Educación".