Suárez García fina la torna de 'Dracula'

Va comenzar agora cola revisión del testu.

Pablo Suárez García nun cesa nel so enfotu de trayer xoyes de la lliteratura mundial a la llingua asturiana. A la espera de que salga a la venta la so torna del 'Decameron' de Giovanni Bocaccio, editáu por Trabe, ta acabante de finar cola de 'Dracula'.

Según anuncia en redes sociales l'autor de traducciones como'l Quixote, ‘Tirán el Blancu’ o 'La Celestina', ente otres munches, agora va comenzar cola revisión del testu. Esti procesu apunta que va ser llargu, polo qu'entovía hai qu'esperar pa poder disfutar de la obra del irlandés Bram Stoker nel nuesu idioma.

Na semeya, cubierta de la primer edición de 'Dracula'.