Sporting 4 - Badajoz 0

Los de Maceda fartucáronse a meter goles contra un Badajoz qu'ocupa puestu de descensu y que, anque quixo apretar los primeros cinco minutos, nun foi enemigu pal equipu asturianu, qu'esta selmana presentaba como novedá a Pulido. El defensa cedíu pol Rayo Vallecano estrenóse marcando'l tercer gol d'una marcha trunfal qu'abrió Lozano aprovechando un balón que-y vieno dende la carril derecha. El segundu foi obra del arxentinu Christian Díaz, y Pablo Álvarez aprovechó la conexón con Villa pa superar a tola defensa estremeña y marcar el cuartu, que foi el más guapu.