Sporting 3 - Recreativo 1

El partíu de despedida de la temporada nun dio muncho de sí. Lo único que valió dalgo foron los dos goles de Villa, que acaba l'añu confirmándose como lo más curioso que dio esti añu el Sporting. Acabante llegar dende'l filial, Villa queda a les puertes de ser el másimu anotador de segunda y conviértese nuna de les referencies pal Sporting del añu qu'entra, porque del d'esti yá queda poco por decir. El Recre, yá ascendíu a primera, vieno al Molinón desganáu y ensin munchu aquello, xugando prácticamente col equipu de reserva, polo que los d'Acebal pudieron pasease a gustu nun partíu ensin historia que namás se molestaron en dir a ver unos 5.000 espectadores. Aparte de los dos goles de Villa, hai que mencionar a Epitié, el meyor delanteru de los onubenses, que nun quixo acabar l'añu ensin meter tamién elli un gol. Pa los d'Acebal peslló la cuenta Soto.

Contador Estadistiques