Sporting 3 - Ferrol 1

El segundu trunfu del Sporting en casa parez que vieno a sacar al equipu de la seca de resultaos y de xuegu y sirvió más que nada, pa que'l Molinón alcontrare una nueva figura e qu'adorar. Los tres goles del canteranu Villa, aparte de dar el trunfu al conxuntu de Maceda, crearon una química especial ente'l públicu y el delanteru de Tuilla, que marchó del estadiu ente la ovación más grande que se remembra n'El Molinón dende que yera estadiu de primera. L'afición adora en "El Guaje" y tienlo mui claro: Villa nun ta en venta.

Con too y con ello, el partíu contra'l Ferrol tuvo nun tris d'acabar en desgracia cuando los gallegos empataron depués del primer gol de Villa. Col marcador al favor, al equipu entró-y la neura y faltó poco pa que'l Ferrol marcare'l 1-2. Namás la reacción rápida de Villa devovió la tranquilidá a un equipu que dexó ayeri por primer vez el puestu de descensu.