Sporting 1 - Las Palmas 1

Nel día del empate en segunda división (tolos partíos acabaron con esi resultáu menos el Numancia - Terrassa) el Sporting tampoco nun quixo ser menos y acabó regalándo-y l'empate a un Las palmas que venía a Xixón en crisis y col entrenador amenazáu de despidu. Los de Marcelino dominaron en campu pero nun foron quien a materializar en tola primer parte, mientres que la segunda, qu'entamó col gol de Dani Borreguero pa los de casa, foi de mandu canariu, colos mariellos apretando al Sporting, qu'a la fin cedió'l trunfu por culpa d'un fallu de Yago. El marfileñu dexó-y el balón a Rubén, que remachó a Roberto,quien salvó depués el puntu del empate al llibrar un peligrosu remate de Jotha. Sicasí, la espulsión doble de Pablo Alvarez y Carmelo por engarrase marcó'l partíu y dañó más al Sporting, que perdió al futbolista más trabayador que tenía en campu nesi intre.