Sporting 1 - Eibar 0

En medio del escándalu pol documental que chiscó de corrupción a la directiva del Sporting, l'equipu y l'afición alparcaron la tema pal partíu d'ayeri, en que nun se sintió protesta en Molinón y en que'l Sporting sumó otru trunfu importantísimu p'asomase na parte alta d'una tabla na que yá va habiendo resquiebra ente la parte d'ascensu y los demás equipos que van tres de los primeros puestos.El partíu aburrió a tolos presentes, pero yá Maceda dixere que, contra un equipu trabáu como l'Eibar, decanu de la categoría, nun podía facese otra cosa más que xugar feo. Con too y con ello, el Sporting cásique nun esistió n'ataque, y namás un cabezazu dende bastantes metros del arxentinu Christian Díaz pudo romper la igualada. L'arbitrio, qu'emporcó'l desarrollu del partíu, nun quixo dar penalty a un derribu sobre Villa n'area eibarresa, pero tampoco nun señaló otru penalty a la contra del Sporting al final del segundu tiempu.