Sporting 0 - Elche 0

Nel primer partíu de liga qu'echaben en casa, los d'Acebal, anque controlaron a un rival teóricamente inferior como l'Elche, nun foron quien a meter un solu gol, colo que entovía nun marcaron en tolo que va de lliga. Sicasí, l'afición respuende: el Xixón yá tien 12.500 abonaos, 1.700 más que la otra lliga. Si na primer parte los dos equipos aburrieron, na segunda los dos entrenadores metieron cambios que ficieron un xuegu más entreteníu, meyorando abondo'l Xixón cola entrada de Cobas. Les meyores ocasiones foron pal Sporting, pero nun hubo naide pa rematales, fallando Christian Díaz la más clara.