Esta fin de selmana celébrase'l XII Festival Astur Romano d'esti pueblu ḷḷenizu, con una Nueche Ástur el sábadu na que tamién van tar Dixebra, Truequedart y DJ Alexito.
Hai diez años comenzaba l'andadura de Spanta la Xente en Carabanzo y mañana'l grupu va tornar a la fiesta d'Astures y Romanos pa celebralo colos sos munchos siguidores interpretando cantares de los sos trés discos editaos nesta década. Un conciertu especial na que los ḷḷenizos van actuar tres Truequedart dientro de la llamada Nueche Ástur, tando prevista esta primer actuación a les 23.30 hores.
Darréu'l turnu va ser pa Dixebra, tamién de celebración, nesti casu polos sos trenta años enriba de los escenarios. Va zarrar la folixa DJ Alexito cola intención de facer baillar a los presentes hasta bien entrada la madrugada.
Actividaes dende güei hasta'l domingu
L'apertura del Tabernarium a les 23 hores d'esta nueche va abrir les actividaes del XII Festival Astur Romano de Carabanzo. Los presentes van poder disfrutar de la Orquesta Paréntesis, amás de DJ Alexito.
Yá mañana van concentrase les tropes ástures al meudía nel Pueblu Ástur, que se van preparar pa la batalla definitiva contra los romanos cola intención de repetir la sorprendente victoria del añu pasáu. Ésta va celebrase a les 14 hores del domingu nel prau de la parte alta de Carabanzo cola participación de 350 figurantes.
Adxuntu | Tamañu |
---|---|
![]() | 798.99 KB |
![]() | 689.1 KB |