SOS Racisme denuncia'l videoxuegu del PP catalán ante la Fiscalía

SOS Racisme denunció ante la Fiscalía d'Odiu y Discriminación al líder del grupu de Nuevas Generaciones del PP, José Antonio Coto, y al responsable de la empresa Nectaris Mobile, Ignacio Giner, pol videoxuegu 'Alícia Croft'.

Nél, la presidenta del PP de Catalunya, Alícia Sánchez Camacho, al llombu d'una gaviota nomada 'Pepe', "dispara y va aniquilando supuestos enemigos, ente ellos a un paracaidista onde se llee 'inmigrantes illegales'.
  
Según la denuncia de SOS Racisme, estes dos persones cometeríen un delitu contra los derechos y llibertaes públiques y considera que'l videoxuegu constitúi una prevocación directa a la comisión de delitos, tales como l'homicidiu o l'asesinatu selectivu".
  
Aseguren nel escritu que nun se trata de "un xuegu inocente nin d'una pura anécdota tan solo merecedora d'una disculpa". Tachó los fechos de "realmente perversos" y afirmen que conlleven un peligru potencial "enorme" al satisfaer los más baxos instintos d'actuación contra la vida de les persones.
  
"Potencialmente puen dar llugar a que per parte d'algunos se pase a l'acción concreta: el tiru o'l disparu real", sorrayen.
  
El PP de Catalunya solicitó a la empresa encargada del videoxuegu que lu modificara pa cambiar a los inmigrantes illegales qu'apaecen por mafies illegales", como acordaren de primeres.
  
“Simple xuegu”
Según Camacho, que quitó fierro al discutiniu provocáu y calificó de "simple xuegu" l'entretenimientu promovíu poles mocedaes, la empresa Nectaris Mobile modificó mientres el so desarrollu'l diseñu pactáu cola dirección del partíu.
  
La presidenta del PP catalán llamentó que "una cuestión menor" como'l videoxuegu protagonice la campaña, y cargó contra aquellos partíos que, según dixo, critiquen costantemente les propuestes que presenten los populares sin plantegar alternatives.