Soníos reivindicativos axúntense nel “IX Asturies nun escaez”

|

El punk de Gatillazo, l’amiestu de hardcore, trash y metal de KOP y el hardcore fechu n’Asturies d’Escuela de Odio van protagonizar el IX Conciertu “Asturies nun escaez”, eventu entamáu anualmente por Darréu.

Otru añu más la organización de mocedá nacionalista asturiana Darréu entama’l conciertu “Asturies nun escaez” pa facer alcordanza de la Revolución d’Ochobre de 1934. Nesta novena edición, grupos vascos, catalanes y asturianos van tocar en Xixón.

La reivindicación nes lletres ye’l denominador común de toles bandes que van actuar. Encabecen la nueche Gatillazo, banda de punk-rock que tien de llíder a Evaristo, antiguu cantante de La Polla Records; y KOP, formación catalana con un soníu qu’entemez hardcore, trash y metal y qu’aporta per primer vez a Asturies.

La representación asturiana va de la mano d’Escuela de Odio, grupu hardcore de la Cuenca’l Nalón y del grupu ganador del conciertu-concursu “Sones de Revolución” qu’organizó Darréu’l pasáu sábadu 2 d’ochobre.

En Xixón

Esti añu, tres los problemes col Ayuntamientu de Llangréu, el conciertu “Asturies nun escaez” vuelve a celebrase en Xixón. Va ser el prósimu 16 d’ochobre a les 21 hores nel Pabellón d’Asturies de la Feria de Muestres de Xixón. La entrada ye de 16 euros anticipada y 18 en taquilla.
 

Contador Estadistiques