Soledad Saavedra va declarar como testigu nel 'Casu Marea'

La muyer de Vicente Álvarez Areces va participar nel xuiciu qu'empezó'l llunes por un desfase de 5 millones nel Instituto Adolfo Posada cuando llevaba la so direición.

El pidimientu de la defensa de los trece acusaos nel 'Casu Marea' por supuesta corrupción na Alministración asturiana tuvo'l sofitu de la Fiscalía, mentes que la lletrada del Gobiernu, Isabel González Cachero, nun se negó a la intervención de Soledad Saavedra nel xuiciu como testigu, anque sí acusó a los abogaos defensores de querer politizar el procesu. Esti movimientu vien tres conocese que l'Instituto Adolfo Posada gastó 8,8 millones d'euros en mercar muebles ente'l 2006 y 2009, lo que pal xurista Miguel Valdés-Hevia, defensor de Víctor Muñiz, d'Igrafo, ye un fraude o un caos contable esmoleciente.

Otra manera, la Fiscalía refugó tolos pidimientos d'anulación de les escuches al considerar que s'axustaben a derechu.