Soldaos somalinos y etíopes tomaron Mogadiscio

Soldaos del Gobiernu provisional de Somalia, col sofitu del Exércitu d'Etiopía, tomaron esta mañana la ciudá de Mogadiscio, ocupada poles milicies islámiques qu'al paecer abandonaron la capital somalina. La guerra civil en Somalia, entamada en 1991 tres el derrocamientu del dictador Siad Barré, vive asina un nuevu episodiu, posiblemente definitivu, dempués de que'l Conseyu de Seguridá de la ONU fracasare nos sos intentos por llograr un alcuerdu ente les partes.

L'oxetivu de los integristes islámicos pasa pela creación d'una Gran Somalia con parte del territoriu d'Etiopía y de Kenia, dalgo a lo que s'opón Etiopía, qu'ayudó al gobiernu del so país vecín énte la rocea de la ONU, qu'esixó delles vegaes la retirada de los soldaos etíopes de Somalia, una presencia que sí apreben los EEUU. El país alcuéntrase en situación d'emerxencia humanitaria.