Sofía Castañón va ser vocera axunta de Xuníes Podemos nel Congresu

Sustitúi a Ione Belarrra, que pasa a ocupar el cargu de secretaria d'Estáu d'Axenda 2030.

Los cambios nel grupu parllamentariu de Xuníes Podemos por mor de la entrada de la formación nel Gobiernu de coalición col PSOE provoquen modificaciones na so estructura que posibiliten que la diputada asturiana Sofía Fernández Castañón pase a ocupar el cargu de vocera axunta nel Congresu. Va compartir la portavocía axunta con Enrique Santiago, secretariu xeneral del PCE, que sustitúi al ministru nuevu de Consumu, Alberto Garzón, mentes que'l principal pasa a ser Pablo Echenique en llugar d'Irene Montero, ministra d'Igualdá.

Nel casu de la xixonesa, tamién secretaria de Feminismos Interseicional y LGTBI de Xuníes Podemos, ye pola salida de Belarra hacia l'equipu de Pablo Iglesias na vicepresidencia de Derechos Sociales y Axenda 2030. Según apuntó la navarra, el so oxetivu como secretaria d'Estáu d'Axenda 2030 ye impulsar "los esfuercios del Gobiernu nuevu p'afrontar grandes retos como la desigualdá social y el cambiu climáticu".