Sofía Castañón: "Asturies.com, un cuartu de sieglu faciendo comunidá asturfalante y asturianista"

 La coordinadora autonómica de Podemos Asturies, saluda a Asturies.com nel so aniversariu rescatando les sos vivencies al rodiu d’esta publicación.

Sofía Castañón, destaca l’andadura del periódicu dixital que foi "una iniciativa pionera" y "que lleva un cuartu de sieglu faciendo comunidá asturfalante y asturianista". Destaca el llabor de "facer divulgación sobre la llingua asturiana y ufrir recursos pal so deprendizaxe". De los sos tiempos como presentadora, enantes de dar el saltu a la política, recuerda una "entrevista que-y fici a Rubén Ardura nel Barucu, dientro del programa Señalados de Teleasturias, pa falar d’Asturies.com". Y recalca que ye "un puntu de referencia pa saber de l'actualidá del nuestru país y especialmente de la nuestra cultura" dende enantes de la apaición de les redes sociales.

Pue lleer el testu completu  calcando nesti enllaz.