Soberado y Balbino Menéndez espublicen un llibru pa rapazinos que quieran aprender a tocar la gaita

‘Iniciación a la gaita asturiana’ ye’l nome del llibru col que Ricardo Soberado y Balbino Menéndez pretenden que l’aniciu de los rapazos y rapaces col instrumentu sía “prestosu y entreteníu”. Ye’l primer manual orientáu a neños y neñes.
 
Asoleyáu por Publicaciones Ámbitu, esti llibru trátase del primer métodu de gaita asturiana destináu de manera específica pa rapacinos, destaquen dende la editorial. “Acaba de ponese na cai esta 'Iniciación a la gaita asturiana'”, obra cola que los profesores Soberado y Menéndez quieren cubrir una necesidá “qu'había nel deprendimientu de la gaita: un manual pa los rapacinos qu'empiecen, y que sía prestosu y entreteníu”.
 
Amás, Ámbitu ta acabante de reeditar 'El tambor asturiano. Usos, rudimentos y patrones', obra de Manuel Durán García, profesor de la Escuela Municipal de Música Tradicional Manolo Quirós d'Uviéu.