Skontra actúa n'Uviéu y Misiva, en Cáceres con Desakato

|

Los californianos Mad Caddies van ufrir un conciertu esti vienres n'Uviéu xunto con Skontra y F-Side. Mentes, Misiva y Desakato garren la maleta pa llevar la so música a Cáceres.

Los trés conciertos previstos na uviedina sala Whipporwhil formen parte del III Ergophobic Fest, que va principiar a les 21.30 hores. La banda de punk-folk va compartir escenariu colos asturianos F-Side y los veteranos Mad Caddies, formación de punk-ska con 20 años d'actividá musical al llombu. El preciu de les entraes ye de 16 euros. Hai que destacar qu'esti ye l'actuación cabera de Skontra enantes de pasar al estudiu pa grabar temes nuevos.

Otros dos grupos cabezaleros de la escena n'Asturies, Desakato y Misiva, continúen llevando la so propuesta musical fuera del país. Nesta ocasión la parada ye en Cáceres, onde los de Grau van abrir la nueche y caldiar l'ambiente col so repertoriu billingüe enantes de l'actuación de los de Llanera. La cita ye a les 22 hores na sala Barroco y el preciu de les entraes, de 13 euros.

Contador Estadistiques