Skama la rede gana'l V Premiu al Meyor Cantar

El tema 'Condenáu',  con lletra de David Artime; foi'l ganador d'esti premiu añal que va llevar a los asturianos a representar al so país nel Festival Internacional Liet, certame musical de llingües minoritaries qu’esti añu va celebrase n’Udine (Friûl).

 
La gala, que foi tresmitada pela TPA en directo cuntó cola participación de tolos finalistes; Blima, Corquiéu, Verdasca, Fala Non Caduca y Skama la Rede que fonon los ganadores.
 
Los otros temes nominaos yeren 'Señaldá', de Blima (lletra y música de Marcos García Alonso), 'Alma balera', de Corquiéu (con lletra de Xandru Martínez y música de Corquiéu); 'Sele sound system', de Fala Non Caduca (con lletra d'Adrián González Pérez y música de Falanoncaduca); y 'Ente ríos y ente soutos', de Verdasca (con lletra de Miguel Rodríguez Monteavaro y música de Marina Pangua y Andrés R. Monteavaro). Nel actu, que foi conducíu por Xune Elipe y Esther Fonseca, actuó tamién Xera, vencedor de la edición pasada col tema ‘Tierra’.
 
Skama la rede va representar a Asturies nel Festival Internacional Liet, certame musical de llingües minoritaries qu’esti añu va celebrase n’Udine (Friûl).