Siniestro Total renuncia a competir pol galardón al meyor cantar en gallegu de los Premios de la Música

|

‘Quen me dera na casiña’, el tema de Siniestro Total nomináu al meyor cantar en gallegu nos XV Premios de la Música, nun se va llevar el galardón. Los vigueses soliciten a los miembros de l’Academia de la Música que nun voten por ellos.
 
La razón d’esta decisión de Siniestro Total vien porque “nun consideramos que sía xusto que mos otorguen esi premiu por cantar namái un tema en gallegu nel discu” y que “los merecedores” del galardón son “los grupos qu'apuesten totalmente pola nuesa llingua. Nós nun lo somos”. La banda asegura sentise bien arguyosa d'esta nominación y la de meyor álbum de rock por ‘Country & Western’, y recuerden que “ye habitual” na so carrera discográfica la realización de dalgún tema en gallegu en casi tolos sos álbumes, “tán habitual qu'hasta podría realizase algún compliláu solo coles temes editaos en gallegu”.
 
Los otros nominaos a la meyor canción en gallegu nesta edición de los Premios de la Música son Berrogüetto, con ‘Alalá da noite’; Mercedes Peón, con ‘Derorán’; y Cristina Pato y Rosa Cedrón, con ‘Negro caravel’. Otra manera, los tres temes nominaos na categoría de 'Meyor cantar n'asturianu' son‘Ágora’, d’Anabel Santiago; ‘Chueve’, de Brandal’; y ‘I & C’, de Corquiéu.

Contador Estadistiques