Siguen los datos positivos: nin contaxos nin muertes con COVID-19

Cúmplense ocho díes ensin casos nuevos.

Los datos de la COVID-19 n'Asturies siguen siendo positivos. Nun hai contaxos nin muertes nueves per cuartu día siguíu –novena xornada en que se da no que va de mes–, polo que los totales siguen en 2.435 y 334, de manera respeutiva.

El llunes pasáu foi'l día últimu nel que se rexistró un casu nuevu de la enfermedá causada pol coronavirus SARS-CoV-2. Dende entós, súmense ocho xornaes siguíes ensin contaxos nel país.

No que respeuta a los ingresos, hai un paciente menos na UCI, siendo'l total agora de 7. Mentes, en planta siguen 4.

Na xornada d'ayeri 19 persones recibieron l'alta epidemilóxica, polo que'l total de curaciones asciende a 2.047.