Sigue la guerra

Los medios de comunicación internacionales espeyen esta mañana l'anunciu de George Bush d'aumentar el presupuestu militar de los EEUU en 48.000 millones de dólares. Va venti años que la primer potencia mundial nun-y daba un reblagu tan grande al gastu nel exércitu, que crez asina nun 15% y ponse en 379.000 millones de dólares. L'anuncia de Bush faise'l mesmu día qu'aviones americanos atacaron un puestu del exércitu iraquí. Anque'l mandu americanu diz que l'ataque nun tien que ver cola "guerra al terrorismu", el país del Golfu Pérsicu ta preparándose pa que-y caiga una bien gorda. El diariu rusu Pravda tamién recueye la información, avisando de que los EEUU tan preparando una campaña n'Irak, y remembra que l'ataque americanu vien a facese na véspora de la visita a Moscú del ministru iraquí Tarek Azid a Moscú.

Contador Estadistiques