Siete persones movilizáronse en Xixón contra la oficialidá

|
Primer concentración contra la cooficialidá en Xixón

El llamamientu de la Plataforma contra la Cooficialidá tuvo una probe respuesta.

Los organizadores calificaron d'histórica la concentración celebrada ayeri al ser la primera nesi sen que se celebra nel país y confiaben en que'l númberu siguiría creciendo en futures convocatories. Lo cierto ye que namái siete persones acudieron ayeri a la plaza de la Casa Conceyu de Xixón, de los que seis se fotografiaron col conceyal popular Pablo González  al que-y entregaron una chapa na qu'apaez una rapaza cola boca tapada con una bandera d'Asturies con estrella bermeya y el nome de la plataforma–, con motivu de la primer sesión del Plenu nel que va votase güei una propuesta de Xixón Sí Puede y Izquierda Xunida (IX) pa instar a la Xunta Xeneral al entamu d'una reforma del Estatutu qu'incluya la oficialidá del asturianu y el gallego-asturiano.

Esti coleutivu nació esti mesmu mes de payares y vien emplegando les redes sociales p'amosar la so disconformidá pa cola oficialidá de la llingua asturiana. Defínese como un "movimiento social contra la cooficialidad del bable y en defensa de la libertad lingüística".

Na semeya, González, a la derecha, nel momentu de recibir la chapa.

Contador Estadistiques