Siete conceyos tán afeutaos pola presencia de la poliya guatemaliana de la pataca

|

El Gobiernu declaró la presencia de la poliya guatemaliana de la pataca en siete conceyos del país: San Tiso d'Abres, A Veiga, Castropol, Taramundi, Navia, Valdés y Cuideiru. Mentes, otros cuatro son zones de vixilancia especial d’esta plaga.

La resolución transitoria emitida pola Conseyería de Desarrollu Rural y Recursos Naturales afita una serie d’obligaciones y midíes de calter preventivu que van tar vixentes hasta que'l Ministeriu d'Agricultura y Pesca, Alimentación Medio Ambiente publique'l real decretu que va establecer el programa estatal de control y erradicación d’esti patóxenu. L’oxetivu ye contralar a esi insectu qu’afeuta a la pataca cuando la so gata s’alimenta del tubérculu faciendo galeríes, tanto en campu como n’almacén.

Amás de San Tiso d'Abres, A Veiga, Castropol, Taramundi, Navia, Valdés y Cuideiru, Tapia, El Franco, Coaña y Villayón son declaraos zona d'especial vixilancia pola so colindancia colos conceyos afectaos y la evolución xeográfica que ta manifestando la plaga.

AdxuntuTamañu
PDF icon bopa_plaga_de_poliya_de_la_pataca.pdf338.14 KB
Contador Estadistiques