Siero y la Fundación HC van plantar 7.000 árboles autóctonos

El Conceyu de Siero y la Fundación HC tán acabantes de firmar un conveniu pa la plantación de 7.000 árboles autóctonos nos tres años próximos. El programa cuenta cola collaboración del Fondu pa la Proteición d’Animales Salvaxes (FAPAS) y incorpora iniciatives d’educación medioambiental.
 
L’oxetivu de la plantación d’estos 7.000 exemplares ye aumentar la masa arbórea de forma respetuosa, asegurando la biodiversidá, y producir frutos que sirvan d’alimentu a la fauna de la zona. Pa ello, según l’acuerdu robláu pol alcalde, José Antonio Noval, y el direutor de la Fundación HC Energía, Nicanor Fernández, Siero va ceder árees de propiedá municipal susceptibles de ser puestes en valor medioambiental.
 
Esta iniciativa ta encuadrada dientro del programa 'Un cliente, un árbol', puesto en marcha pola lléctrica en collaboración con dellos conceyos asturianos. Hasta’l momento, plantáronse cerca de 40.000 árboles autóctonos pel territoriu del país.