Siero nun respeta la toponimia oficial en cartelos instalaos recién

Somos Siero demanda que se cumpla la llei.

Dos cartelos de carretera indicando la direición a Mudarre y Posá instaláronse colos toponimos castellanos, yá derogaos, 'Mudarri' y 'Posada', lo que lleva a Somos Siero a reclamar al gobiernu municipal que respete la toponimia tradicional, única oficial dende'l 2009. "Nun somos a entender cómo dende'l mesmu Conceyu nun se cumple colo que s'aprueba, amás con unanimidá del Plenu. Y ye que cuesta lo mesmu faer les coses bien que mal, pos nun ye la primer vegada qu'hai que correxir señalizaciones", aseguren dende la candidatura de xunidá popular.

D'igual forma, critica que s'inore al Serviciu de Normalización Llingüística y esixe "que se lleve al Plenu la Ordenanza d’Usu del Asturianu, faltando solamente d'esi últimu trámite pa la so aprobación, redactada dende va meses".