Si nun hai fabada nun hai "Rockin"

Stepbrothers, una de les bandes participantes nel Crossroad Festival, punxo la condición obligatoria de que la organización-yos diere una pota fabes y chorizos a la sidra.

Ye sabío que les estrelles del rock piden les coses más estravagantes cuando van a tocar pel mundu p'alantre. Máquines de petacos, colchones d'agua o limousines entren na nómina de deseos alloriantes de los divos de la música, los más d'ellos col enfotu de erproducir nel estranxero les comodidaes que tienen en casa d'ellos. Precísamente por ello resulta más chocante qu'una banda americana como son los Stepbrothers pongan per escrito nel cartafueyu de condiciones del Crossroad Festival, onde suelen esplicase les condiciones técniques de soníu y d'alumbráu que precisen, la esixencia d'una pota fabes y chorizos a la sidra preparada pa los músicos de la banda. El grupu de Mike Mariconda escribió claramente que si nun hai fabada nun hai "rockin".