Sestaferia entama un cursu d’asturianu en collaboración cola Xunta pola Defensa de la Llingua

|

El 24 d’ochobre va principiar un cursu d’asturianu, nivil d’aniciu, nel llocal del Centru Social Sestaferia, en Xixón. La Xunta pola Defensa de la Llingua Asturiana (XDLA) va encargase de la docencia al traviés de la profesora Iris Díaz Trancho.

El cursu, dirixíu a persones adultes, va tener 30 hores de duración dividíes en quince clases de dos hores onde alumnos y alumnes van poder deprender el bon usu del idioma tanto a nivel escritu como oral. Según informen dende la XDLA, l’horariu del mesmu va ser de 19 a 21 hores, los miércoles, na sede de Sestaferia, asitiada na cai Joaquín Alonso Bonet númberu 7, y el preciu de matrícula ye de 20 euros, pa socios del centru social, y de 30 pal restu de la xente interesao. Esti preciu inclúi tol material necesariu pal cursu.

Pa formalizar la inscripción ye necesario utilizar les formes de contautu siguientes: el teléfonu 985.22.95.53 y los corréos electrónicos info@exunta.org y sestaferiaxixon@gmail.com. Otra manera, hai que destacar que la xornada del 24 d’ochobre va ser de presentación.

Información al alumnáu d'institutos sobre’l derechu a estudiar Llingua Asturiana

La XDLA entamó ayeri una ronda de visites a institutos col envís d’informar al alumnáu del so derechu a estudiar Llingua Asturiana en tolos niveles educativos. L’IES Calderón de la Barca, en Xixón, foi’l primeru escoyíu polos miembros del coleutivu ciudadanu, que tienen previsto continuar con esta campaña en toos aquellos centros que tán cometiendo irregularidaes a la hora d’ufiertar l’enseñu de la llingua del país.

 

Contador Estadistiques