Sergio Buelga gana’l XIX concursu de cuentos d’El Garrapiellu

El XIX Premiu del concursu de Cuentos Curtios El Garrapiellu yá tien ganador. Sergio Buelga foi’l vencedor col relatu “A la casa’l boticariu”.

El xuráu del XIX Premiu del concursu de Cuentos Curtios El Garrapiellu aconceyóse esta selmana pa fallar los galardonaos d’esta edición. Dempués d’aldericar en Xixón, alcordaron declarar ganador al relatu “A la casa’l boticariu”, de Sergio Buelga.

L’accésit foi pal relatu “El cantador de blues”, de Mª Xesús Rodríguez Guillón. El xuráu tuvo formáu pol académicu de la llingua D. Vicente García Oliva, pol escritor y ganador de la cabera edición D. José Luis Rendueles y pol escritor Milio Rodríguez Cueto.