Ser Asturianu programa visites guiaes n'asturianu

Tienen un costu de 10 euros y percuerren llugares de delles ciudaes y villes del país.

La empresa turística Ser Asturianu, xestionada pol guia oficial Denis Soria, retoma esti xunetu les visites guiaes n'asturianu. La primera va tener llugar esta tarde, a les 18 hores, n'Uviéu y va consistir nuna ruta de la Revolución d'Ochobre del 34.

El domingu, a les 18 hores, la salida va ser pel xixonés barriu de Cimavilla, mentes que'l sábadu 25 va entamase una per Cuideiru. Completa la propuesta pa esti mes la visita de CaleyAvilés pel cementeriu de La Carriona, pa la que yá nun queden places.

Pa participar nestes actividaes turístiques ye necesario acutar plaza de manera previa na direición de corréu electrónicu infoserasturianu@gmail.com o al traviés del númberu de teléfonu 626.221.712. El preciu de cada salida ye de 10 euros, de 5 pa los menores de 12 años.

Na semeya, una salida de Ser Asturianu per Uvieú.