Segundu puestu pa Cádaba nun concursu de folk en Cantabria

El grupu asturianu de folk Cádaba quedó na segunda posición nel concursu folk "Escenario Prau" un certame abiertu a grupos de tol estáu que se celebró en Cantabria y nel que'l conxuntu de El Franco llegó a la fase final xunto con otros 15 grupos, ente ellos los tamién asturianos Xera.

El trunfu nel concursu, qu'incluye como premiu la grabación d'un discu, foi pal grupu de Valladolid "Divertimento Folk" mientres que la tercer plaza quedó en manes del conxuntu Mielotxin, de Navarra. La organización del concursu corrió al cargu de l'Asociación Cántabra de Festivales "Prau", cola collaboración de la Conseyería de Cultura, Turismu y Deporte del Gobiernu de Cantabria.

Cádaba, que va tener como premiu pol so segundu puestu 900 euros y la so actuación nún conciertu nel festival "Gabriela Folk" d'Hermosa, ye un grupu que guañó nel sen de l'asociación "Arcángel San Miguel" d'A Caridá, nel conceyu de El Franco. Tres dellos años tocando xuntos , Cádaba presentó l'añu pasáu'l so primer discu "Do y Si demol" nel que s'inxeren doce cantares, los más d'ellos composiciones propies.