'Segundas foyas', "cuaderno d'actividaes d'eonaviego" pa los niveles de Secundaria

La Secretaría Llingüística del Navia-Eo de l'Academia de la Llingua Asturiana (ALLA) estrena esta coleición pa enseñu del idioma col númberu dedicáu a Primeru de la ESO.

'Segundas foyas' ye'l nome del "cuaderno d'actividaes d'eonaviego" ellaboráu a partir de la esperiencia docente de Natalia Riego pal trabayu na aula d'escolines y escolinos de l'asignatura de Gallego-asturiano y Lliteratura. El diseñu del proyeutu, del que s'encargó Eduardo Carruébano, "fai da publicación úa amañosa ferramenta teórico-práctica pral alumnao y el profesorao".

El primer númberu asoleyáu correspuende al de Primeru de la Educación Secundaria Obligatoria (ESO), pa dir sacando la de los cursos restantes de manera continuada. Esti exemplar yá ta disponible nos centros educativos del Navia-Eo, nel llar de l'ALLA y en llibreríes.

La financiación d'esti trabayu contó col sofitu económicu del Gobiernu y, al traviés de los Presupuestos Xenerales del Estáu, del Ministeriu de Ciencia y Innovación.