Sastre considera “nefasta” la sentencia de la llingua na educación

El conseyeru d'Educación, Herminio Sastre, considera que la sentencia del TSXA qu'anula la ratio mínima d'ocho alumnos pa formar grupos de 'llingua' asturiana ye "nefasta pal sistema educativu" y "de mal cumplimientu".

Realizó estes declaraciones a preguntes de los periodistes, antes de la inauguración de la xornada del G9 de Conseyos Sociales de les Universidaes Públiques Españoles.
  
El conseyeru mostróse "sorprendíu" pola decisión xudicial, porque "la facultá de planificar tiénenla los gobiernos autonómicos y, nesti casu, la Conseyería d'Educación". Al so xuiciu ye "nefasta pal sistema educativu" y de "mal cumplimientu, porque vien dicimos que tenemos que poner un profesor, independientemente del númberu d'alumnos qu'exista y, dende'l mio puntu de vista, los recursos públicos son sagraos y nun debemos espilfarrarlos".
  
Espera amás, que "nun tenga influencia sobre l'asturianu, porque la sociedá tamién reacciona ante estes cuestiones".
  
Sobre la escolarización, según Sastre los datos muestres que "añu a añu tán elevándose'l númberu d'alumnos que cursen asturianu, hai una subida notable". Amás, anque la ratio ye d'ocho alumnos, "somos mui flexibles y tamos hasta aceptando grupos menores en delles ocasiones", comentó p'acabar señalando que "tenemos que poner una llenda".